వెన్నెల్లో గోదారిలా
ఎగసిపడే సంద్రపు అలలా
వచ్చిందో అందమైన కల!
అందులో నువ్వు నా ప్రియుడిలా
పట్టితెచ్చావు పండు వెన్నెల!
కానుకిచ్చావు గుండె నిండేలా
కరిగిపోయింది నా మది వెన్నలా
దోచుకెళ్ళావు వెన్న దొంగలా
దాచుకున్నావు నీ ఎదలోపల
కొలువుండమన్నావు కలకాలమిలా
ఒదిగాను నీ గుండెలో గువ్వలా
మురిశాను నీ ప్రియభామినిలా
చేరువయ్యాము చిలకా~గోరింకల్లా!
తూరుపు తెర తీసిందలా
కరిగిపోయింది నా కమ్మని కల!
